«Налмэсым» дунаир егъэгушIо
икъалэу Катание концертий къыщызытыгъэ ансамблэ цIэрыIоу «Налмэсым» ипчыхьэзэхахьэ мэфэкум Мыекъуапэ щыкIуагъ.
Адыгеим, Краснодар краим, Сирием, Тыркуем, Иорданием, нэмыкIхэми ащыпсэухэрэр АР-м и Къэралыгъо Академическэ къэшъокIо ансамблэу «Налмэсым» ипчыхьэзэхахьэ еплъыгъэх. ТIысыпIэ нэкI зимыIэжь залым чIэсымэ апашъхьэ «Налмэсым» идиректорэу, Урысыем изаслуженнэ артистэу Бэстэ Азмэт къиуцуи, искусствэр зикIасэмэ къэбар гушIуагъо къалъигъэIэсыгъ.
«Налмэсым» Италием къыщитыгъэ концерт программэр культурэм идунэе шэпхъэ лъагэмэ адиштэу зэхэщакIомэ къаIуагъ. Концерт программэм Мыекъуапэ щеплъыхэ ашIоигъоу цIыфыбэ къызэрэкIэлъэIугъэм фэшI концертыр Мыекъуапэ къыщатыгъ.
«ЗэфакIор», «Уджыр», «Тыргъэтаор», «Ислъамыер», «Кавказым щыпсэурэ лъэпкъмэ якъашъо», «Абхъаз къашъор», нэмыкIхэри тиартистхэм къагъэлъэгъуагъэх. Ансамблэм ихудожественнэ пащэу, Адыгеим инароднэ артистэу Къулэ Мыхьамэдрэ къашъохэм ягъэуцун фэгъэзэгъэ Хъоджэе Аслъанрэ концертым къекIолIагъэмэ тхьашъуегъэпсэу къараIожьыгъ.
Адыгэ макъ
